原帖由 man_zeta 於 1-3-2009 13:12 發表 
愛心養母：還我超超B「01.03.2009.」
蘭姨一家對超超B付出的愛，絕不下於親生兒子。照顧超超B的兩年間，嬰兒車、嬰兒床、尿片奶粉，全由蘭姨一家包辦，超超B一歲生日，便在蘭姨夫婦陪同下遊船河慶祝，「我哋湊BB冇計過錢，亦從來冇要求過分毫報酬，依家只係希望可以繼續同佢一齊生活。」
蘭姨夫婦近日多次與社署接觸，希望酌情處理超超B的申請。
蘭姨憶述，當日接獲社署寄養部的通知，已為超超B覓得合適寄養家庭的一刻，超超B突叫了一聲「媽咪」，平日天真爛漫的笑容消失得無影無蹤，蘭姨強忍多時的淚水即時奪眶而出，「社署咁做，同拆散我兩哋人骨肉有咩分別？」
兩子視BB如親生弟
事實上，自兩年前家中多了這名新成員，蘭姨的家庭生活亦起了莫大變化。次子阿健以往終日「唔黐家」，但自從超超B出現，即時一百八十度轉變，並立志為弟弟（超超B）樹立一個好榜樣。
變得非常「黐家」的阿健說：「好多謝超超B，記得第一次餵佢食奶陣，佢隻手仔捉住我，令我知道家庭嘅重要。」
至於在電腦公司任職售貨員的大哥阿豪，每日放工回家第一時間就是親親這個人見人愛的小弟弟，「我已經當正佢係細細佬，唔會畀人帶走佢！除咗阿爸，我點辛苦都會賺錢幫手養大佢！」
撫養權案兒童最大利益為依歸
在現行《領養條例》下，任何人士擬領養受社會福利署長監護的兒童，社署均會按既定程序處理。律師黃國桐指出，法例上每一條生命並不屬於個人，而是屬於社會，因此自殺等同犯法；而在審理類似撫養權案件時，法庭亦一定會以小朋友的最大利益和角度出發，以兒童的最大利益為依歸。
與社署周旋需具有力理據
黃國桐說，倘若社署有強烈理據，認為現時的暫託人並非最合適人選，但當事人又堅持跟社署挑戰，則當事人便必須要具備其他強而有力的理據反駁，「好似提供到心理醫生報告、或者小朋友有特殊病，一定要呢個暫託人照顧？呢係好強證據。」
他續說：「個官仲會睇湊大BB父母有冇好好計劃，例如有冇仔女，或者以後唔打算生兒育女、又有冇一直幫佢買保險等等，因為法庭永遠只會為個小朋友look for a better（一個更好的將來）！」
以超超Ｂ的個案而言，黃國桐稱，保母雖然對超超Ｂ有養育之恩，但僅有短短兩年，親密程度不足，要成功說服裁判官並不容易。
資料轉自:東方日報網絡
------------ 謝謝觀賞------------ | 
發表於 1-3-2009 13:12
| 
