ATV改革揚言亞姐靚過港姐 《香港亂噏》收得加碼撼無綫 陳志雲

paramita888

鄭啟泰（左）和盧海鵬時常在節目中惡搞政界人物，希望他們直播時不會亂噏闖禍。資料圖片


亞視在本月 20日進行大革新，本來逢周日播映的《香港亂噏》，難得有 6點收視，即乘勝追擊，實行搞大嚟玩，變為五晚直播節目。另外，亞姐選舉快開鑼，亞視揚言一定會靚過港姐。

亞視自台灣老闆蔡衍明加盟後，實行亞視中天化，把台灣中天電視台最受歡迎的節目套用在亞視的自製節目中，其中以諷刺時弊及八卦民生為題材的《全民最大黨》，則變身成《香港亂噏》。該節目原定是在每周日播映一集，不過卻有 6點收視（約 38萬觀眾收看），亞視即變陣向難度挑戰，改為本月20日起每周一至五晚上10時播出半小時，而且突破錄影限制變為直播節目，還考慮邀請被扮演的政界人物如梁國雄等亮相，該時段剛撞正無綫播映由王喜及鄭嘉穎主演的重頭劇《烈火雄心 3》。


單看去年亞姐的質素，難怪葉家寶敢說亞姐靚過港姐。資料圖片


無綫重頭劇《烈火雄心 3》下周首播，將撞正改革後的《香港亂噏》。劇照

嚴禁主持爆粗
有份參演的姜皓文在節目中曾扮過長毛梁國雄、成龍等人物，他說：「直播係難度好高，不過家錄影我哋都係一次過拍，唔使 NG。」
昨日亞視副總裁葉家寶在電話中說：「因為《香港亂噏》反應好，所以會改革，呢個節目係會鬧人，不過各主持好有經驗，唔會爆粗或者講錯嘢，我哋有提醒佢哋講嘢要小心，而且我哋有準備，一旦講錯嘢就會『嘟』佢哋。」

擬辦 o靚模大賽
另外，亞姐已在海外招募，香港區則在本月 9日報名，據葉家寶說：「我哋有信心會靚過港姐，海外已開始報名，有全國八大省，美加、澳門都有招募。」對於現在 o靚模掀起一片熱潮，亞視也考慮舉辦 o靚模大賽，希望吸納更多青春一族加盟娛樂圈。
至於晚上的兩線劇集，在 7時播映台劇《麻辣鮮師》，而 8時半至 10時繼續播出韓劇《媽媽發爛渣》，仍是以外購劇掛帥，而年前所拍的《法網群英》及《勝者為王 2008》則仍然石沉大海。採訪：陳寶明

jlok

《香港亂噏》雖然抄全民大悶鍋,不過實屬亞視近年來最佳節目.
鵬哥帶領下絕不亞於全民大悶鍋,演員玩放d如台灣的九孔效果更佳.
致暈治下d節目真係好難頂,真係覆佢個基.

oops

姜晧文 同盧海鵬..簡直係一絕...
小黑扮四哥同阿鵬扮孫公 笑死我...
我覺得要多一兩個靚女做就好睇la....

mingkee

其實亞視肯走番親香港路線, 無線就冇得玩
記得幾年林伯做莊時亞視係幾咁似樣
或者三十年前蕭生同麥當雄作主時.....
君不見「天蠶變」, 「大地恩情」依然為人津津樂道

店小二

香港亂噏~aTV玩抽水....長玩未必得啦...
玩得大又唔敢...玩反共又冇可能...atv有膽玩大啲就話佢勁

amo

都唔明大班點解唔係樓南光扮，點都似d


每晚播唔知做唔做得落去

andrewhkm

每晚播唔知做唔做得落去
amo 發表於 3-7-2009 11:44

horrible decision
once a week is fine

TypeEE

請長毛佢一定會上去，我想睇。

無智無得

都唔明大班點解唔係樓南光扮，點都似d


每晚播唔知做唔做得落去
amo 發表於 3-7-2009 11:44

我覺得之前超人係頭條扮大班,

95%似, 尤其係d笑聲!

LittleYan

晚晚做其實會厭囉，一星期一次，大家先會追